All Posts
BBC 0400 GMT
VOA 0330 GMTMadaxweynayaasha dowlad Gobooleedyada Jubbaland Axmed Maxamed Islaam “Axmed Madoobe” iyo Galmudug Axmed Cabdi Kaariye ayaa dib ugu soo laabtay Magaalada Muqdisho, kadib markii safaro kala duwan ay ugu kala ambabaxeen magaalooyinka Nairobi iyo Kismaayo.
Madaxweyne Axmed Madoobe ayaa Magaalada Kismaayo uga qeyb galay Aas qaran oo loo sameeyay Guddoomiyihii rugta Ganacsiga ee Jubbaland Shaafi Raabi Kaahin oo shalay qarax Ismiidaamin ah lagu dilay.
Halka Madaxweynaha Galmudug Axmed Cabdi Kaariye aan si rasmi ah loo shaacin ujeedka booqashada uu ku tegey magaalada Nairobi.
Madaxweynaha Jubbaland Axmed Madoobe iyo Galmudug Axmed Qoorqoor ayaa magaalada Muqdisho uga qaybgali doona shirka Dowlada Federaalka ah iyo Dowladaha xubnaha ka ah ee lagaga hadlayo sidii Dalka ay uga dhici lahayd Doorasho la isku raacsan yahay oo waqtigeeda ku dhacda.
Magaalada Muqdisho ayaa waxaa ku sugan caawa dhammaan madaxda dowlad goboleedyada dalka iyadoo aan la hubin xilliga uu si rasmi ah u furmayo shirka la doonayo in loogaga hadlo doorashooyinka dalka.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN