All Posts
BBC 0400 GMT
VOA 0330 GMTTaliska Ciidanka Xooga dalka Soomaaliyeed ayaa Faah Faahiyay dagaal culus oo u dhexeeyay Ciidanka Milateriga Soomaaliya gaar ahaan qeybta 21-aad iyo Dagaalamayaasha Al-shabaab oo saakay aroortii ka qarxay deegaano ka Tirsan Koonfurta galgaduud.
Taliyaha Ciidanka dhulka Soomaaliya General Maxamed Tahliil Biixi oo la hadlay warbaahinta dowladda Soomaaliya ayaa u sheegay in Ciidanka Xoogga ay weerar ku qaadeen deegaanka labi-dulle oo fariisimo ay ku lahaayeen Al-shabaab, uuna halkaas ka dhacay dagaal Culus.
Taliye Tahliil Biixi Waxaa uu sheegay in weerarka oo ay qaadeen Ciidamada qeybta 21-aad iyo kuwa Gorgor ay kula wareegeen gacanta ku heynta deegaanka labi-dulle oo shabaabka ay weeraro kasoo qaadi jireen, waa sida uu hadalka u dhigay.
Sidoo kale Taliyihu waxaa uu tilmaamay in khasaaro kala duwan oo isugu jira dhimasho iyo dhaawac ay gaarsiiyeen Alshabaab islamarkaana ay sii wadi doonaan Dagaalka ka dhanka ah Alshabaab.
Malmo kahor ayey aheyd markii Ciidanka Xoogga dalka qeybta 21-aad iyo kwua Galmudug ay la wareegeen deegaanka Sinadhaqo iyo tuulooyin kale oo hoostega Magaalada Dhuusamareeb, waxaana halkaas shalay booqday Madaxweynaha Galmudug Axmed Qoorqoor.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN